XX. mendeko Euskararen Corpus estatistikoa

Testuingurua

4. Berriki sortua duzuen Gazte Elkarte baten izenean, Aurrezki Kutxa batetako Zuzendari jaunari idazten diozu:
- Euskal jaialdi bat antolatu nahi duzuela adieraziz
- helburua dirua lortzea da (adierazi zertarako)
- iragarkiak ordain diezazkizueten eskatuz.

5. EGA azterketa dela ta, Gipuzkoako arduradunari eskutitz bat idazten diozu, azken azterketan Gutxiegi eman baitizute:
- ez zaude ados nota horrekin
- azterketa ikusi nahi zenuke
- beste hainbat iritzi ere luzatzen dituzu.

6. Demagun zure herriko Kultur Elkarte batetako idazkaria zarela.

Kultur Elkarte honek Txirrindulari karrera bat antolatzen du aurtengoan ere.

Kirol saio honen finantzaketa iturria herriko komertzio eta tabernetatik dator, neurri haundi batetan, ordainez komertzioen izenak iragarkietan agertzen direlarik.

Idatz ezazu dendariei bidaliko zaien eskutitz hori, antolakizunaz zehaztasun ugarienak emanez eta diru-laguntza eskatuz.

7. Azken oporraldietan ajentzia batek antolaturiko bidaia bat egin duzu.

Bidaia osoan zehar ajentziak eskaintzen zituen zerbitzuak ez dira bete edo gaizki bete dira.

Horrela, hotel motak, alde batetik besterako bidaiak, informazioa eta beste hainbat zerbitzu eskasak izan dira batzuetan eta besteetan zerbitzu falta nabarmena izan da.

Idatz iezaiozu Ajentziako Arduradunari hutsune guzti horiek adieraziz eta zure kexaren arrazoiak aipatuz.

8. Etxerako hozkailu bat erosi nahi duzu.

Kixmi etxelektragailu dendaren ugazabari idazten diozu informazioa eskatuz.

E-202 gamako hozkailua duzu atseginena eta beronen datu eta ezaugarri teknikoak jakin nahi zenituzke.

Prezioak eta ordainketarako moduak ezagutzea ere interesatzen zaizu.

Osa ezazu eskutitza beste zenbait jakingarri erantsiz.

9. Etxeko sukaldea berriztatu zenuten.

Atzo jaso zenuen igeltseroaren faktura.

Ez zaude ados fakturarekin, izan ere, lanean eman zituzten baino egun gehiago ageri dira eta lanean ihardun zuten baino igeltsero gehiago aipatzen.

Idatz iezaiozu faktura itzuliaz eta berriz aztertzeko eskatuz.